असार १८, मस्को । पाँच पटकको पुर्व विजेता ब्राजिल विश्वकप फुटबलको क्वाटरफाइनलमा पुगेको छ। नकआउट चरणको खेलमा ब्राजिलले सोमबार राती मेक्सिकोलाई २-० गोलले हरायो। ब्राजिलका नेईमार र फिरमिनोले एक एक गोल गरे।
पहिलो हाफ गोलरहित बराबरीमा सकिएको खेलको दोस्रो हाफको सुरुवातमै ब्राजिलले अग्रता लिएको थियो। नेईमारले ५१ औं मिनेटमा गोल गरेका थिए।
५१ औं मिनेटमा विलियानको क्रसमा नेईमारले गोल लाइन नजिकैबाट ट्यापिङ गरेर गोल गरेका हुन्। ८८ औं मिनेटमा नेईमारकै पासमा फिरमिनोले गोल गरेका थिए।
