ब्राजिलको जितमा नेइमारको भूमिका महत्वपूर्ण रह्यो । पहिलो हाफमा गोलरहित रहेको खेलमा नेइमारको गोलबाट नै ब्राजिलले दोस्रो हाफमा खेल आफ्नो पक्षमा ल्यायो ।
५१ औँ मिनेटमा नेइमारले गोल गर्दै दिलाएको अग्रता अन्तिम समयमा रोबर्टो फिरमिनोले गोल गरेपछि दोब्बर हुँदै जितमा परिणत भयो ।
नेईमार कति सम्म नाटक गर्न सक्छन् भन्ने कुरा यो यो खेलको भिडियो बाट थाहा हुन्छ । मेक्सिकोका खेलाडीले बल लिदा समेत ठुलो चोट परेझै गरेर छट्पटिएका छन् ।
विश्वका महँगा खेलाडी र उनको राम्रो प्रदर्शन, टिमको जितका बाबजुद नेइमार फुटबल प्रेमीमा आफ्नो छापा पार्न असफल देखिएका छन् । त्यसको कारण उनी अनावश्यक ठाउँमा बढी प्रतिक्रिया देखाइरहेका छन् ।
सोमबार रातिको खेल सकिन मात्रै २० मिनेट बाँकी थियो । त्यो बेलासम्म नेइमारले गोल गरिसकेका थिए । मेक्सिकोका फुल–ब्याक मिगुएल लायुनले बल नियन्त्रणमा लिने क्रममा नेइमारको गोलीगाँठोमा छोए, तर त्यो बेस्सरी थिएन ।
नेइमारको यो बानीले सबैलाई अचम्ममा पार्यो, उनको टिमका, मेक्सिकन खेलाडी, रेफ्री र उनका सहयोगी, फोर्थ हफिसियल । सबै उनको वरिपरी आए । किनकी उनी नेइमार थिए । उनले मात्रै यस्तो गर्न सक्ने एक जर्मन पत्रकारले बताएका छन् ।
यो विश्वकपमा नेइमार धेरै रोएको, लडेको र सानो कुरालाई ठूलो देखाउने गरी अभिनय गरेको आरोप लागेको छ । उनले यो विश्वकपमा अहिलेसम्म २३ पटक पोस्ट प्रहार गरेका छन् र त्यसमा १२ वटा सही निशानामा देखिएका छन् ।
अहिलेसम्म उनले विश्वकपमा गरेको गोलको संख्या ६ पुगेको छ ।
