असार १७, काठमाडाैं । पोर्चुगललाई पराजित गर्दै उरुग्वे क्वार्टरफाइनल प्रवेस गरेको छ।
रुसको फिस्ट रङ्गशाला सोचीमा शनिबार सम्पन्न खेलमा उरुग्वेले पोर्चुगललाई दुई एक गोलले पराजित गरेको हो। उरुग्वेको जितमा एडिन्सन काभानी नायक रहे। काभानीले खेलको ७ औं र ६२ औं मिनेटमा गोल गरे।
पहिलो हाफको खेलमा काभानीको गोल मार्फत एक शुन्यको अग्रता बनाएको उरुग्वे दोश्रो हाफको ५५ औं मिनेटमा बराबरी गोल खान पुगेको थियो। पहिलो हाफमा लुइस स्वारेजको पासलाई सदुपयोग गर्दै हेडिङ् मार्फत काभानीले गोल गरेका थिए। दोश्रो हाफमा बराबरी गोल गर्ने क्रममा पोर्चुृगलका राफेल गुइरेरोको पासमा पेपेले डि बक्स एरियाको मध्य भागबाट हेडिङ मार्फत गोल गरेका थिए।
शनिबारको हारसँगै पोर्चुगल प्रतियोगिताबाट वाहिरिएको छ भने उरुग्वेले क्वार्टरफाइनलमा फ्रान्स प्रतिद्वन्द्वी पाएको छ।
शनिबारको जितसँगै उरुग्वेको प्रतियोगितामा अपराजित यात्रा कायमै रहेको छ।
