फाइनल खेल नेपाली समय अनुसार राति पौने ९ बजे मस्कोको लुज्हनिकी रंगशलामा हुँदैछ ।
फ्रान्सले सेमिफाइनलमा बेल्जियमलाई १–० ले हराएर फाइनलमा स्थान बनाएको हो । यस्तै इंग्ल्याण्डलाई २–१ ले हराउँदै क्रोएसियाले पहिलो पटक विश्वकपको फाइनलमा स्थान पक्का गरेको हो ।
फ्रान्सले यसअघि एकपटक विश्वकपको उपाधि उचालेको छ भने क्रोएसियाले उपाधि उचाल्न सकेको छैन । फ्रान्सले सन् १९९८ मा उपाधि उचालेको थियो तर सन् २००६ मा फाइनलमा इटालीसँग टाइब्रेकरमा पराजित भएको थियो ।
