नेपाली समय अनुसार बेलुकी पौने ८ बजे सुरु हुने खेलमा समुह ए का रुस र उरुग्वे तथा साउदी अरेबिया र ईजिप्ट भिड्नेछन् ।
सामरा एरिनामा हुने रुस र उरुग्वेबीचको खेलले समुह विजेताको टुंगो लगाउनेछ । दुबै टोली सुरुवाती दुई खेल जित्दै राउण्ड अफ सिक्सटिनमा पुगिसकेका छन् ।
सोही सयममा भोल्गोग्राद एरिनामा साउदी अरेबिया र ईजिप्ट आमने सामने हुनेछन् । सुरुवाती दुई खेल हार्दै समुहबाटै बाहिरिएका यी दुई टोलीबीचको भिडन्त प्रतिष्ठाको लडाई मात्रै हुनेछ ।
आज राति पौने १२ बजे समुह बि का दुई खेल हुनेछन् । मोरदोभिया एरिनामा पोर्चुगल र ईरान भिड्नेछन् । दोस्रो चरणमा पुग्न पोर्चुगललाई यो खेलमा कम्तिमा बराबरी गर्नुपर्नेछ । इरानको लागि भने खेल जित्नैपर्ने दबाब छ ।
समुहको अर्को खेलमा स्पेन र मोरक्को भिड्नेछन् । मोरक्को समुह चरणबाटै बाहिरिएको छ भने स्पेन ४ अंकसहित शीर्ष स्थानमा रहेको छ ।
