उर्जामन्त्री राधा ज्ञवालीले १८ औं सार्क शिखर सम्मेलनभरि राजधानी काठमाडौं धुलिखेल सहित राष्ट्रप्रमुख र सरकार प्रमुखहरुले भ्रमण ठाउँमा लोडसेडिङ नहुने बताउनुभएको छ ।उहाँले जनकपुर, लुम्बिनी, मुक्तिनाथ र धुलिखेल लोडसेडिङ मुक्त हुने बताउनुभयो । रिपोर्टर्स क्लब नेपालले वुधबार गरेको साक्षात्कारमा उहाँले त्यसको लागि भारतबाट ५ सय मेगावाट विद्युत मागेको र त्यसमध्ये १ सय ७० मेगावाट विद्युत अयात भइरहेको जानकारी दिनुभयो ।
मन्त्री ज्ञवालीले यस बर्ष अघिल्ला बर्षहरुभन्दा भन्दा हिउँदको समयमा कम लोडसेडिङ हुने दाबी गर्नुभयो ।
हालै भएको सार्क पावर सेन्टरको कार्यक्रममा नेपालबाट उत्पादित विद्युतले समग्र सार्क क्षेत्रको उर्जा संकट समाधान गर्ने निस्क्र्ष निकालेकोले आगामी सार्क शिखर सम्मेलनमा उर्जा विकास र उर्जा व्यापार प्रमुख एजेण्डाका रुपमा रहने समेत उहाँले प्रष्ट पार्नुभयो।
