धुलिखेल÷ काभ्रेबाट रसायनिक विषादी विस्थापन गराउन कृषिमा एकीकृत शत्रु जीव ब्यवस्थापन (आइपीएम) प्रणाली लागु गर्नुपर्ने एक कार्यक्रमका सहभागिहरुले बताएका छन् ।सदरमुकाम धुलिखेलमा जिल्ला कृषि विकास कार्यालयले आयोजना गरेको रसायनिक विषदी न्यूनिकरण सम्बन्धी कार्यशाला गोष्ठीमा सहभागिहरुले यस्तो भएका हुन् ।
जिल्लाका रसायनिक विषादी विक्रेता समेत सहभागि गोष्ठीमा प्रमूख जिल्ला अधिकारी केदार न्यौपानेले
आइपीएम प्रणालीबारे कृषकहरुलाई जानकारी दिन विक्रेतासँग आग्रह गर्नुभयो । उहाँले बाजेले तालिम लिएर नातिले विषादी बिक्रि गरीरहेको भेटिएको भन्दै यस्ता कमद आफुलाई कदापी मान्य नहुने बताउनुभयो ।
१६ देखि २० हप्ता लामो आइपीएम कृषक पाठशाला प्रशिक्षणबाट कृषकहरुले प्रयोगात्मक रुपमा आइपीएम तरीकाबाट तरकारी फलाउँदा पछिसम्म कृषकले ब्यवहारमा उतार्न सकिने जिल्ला कृषि विकास कार्यालय काभ्रेका प्रमूख दिपक पौडेले बताउनुभयो ।
आइपीएम अन्तर्गत पिरो, टर्रो, अमिलो, तितो, कोक्याउने र चिलाउने वानस्पातिक गुण भएका बोट विरुवाको कलिलो पात र मुनालाई गाईभैसीको गहुँतमा पकाएर घरेलु विषादी बनाउन सकिन्छ ।
