धुलिखेल÷ हिउँद लागेसँगै काभ्रेबाट बालबालिका श्रमका लागि भक्तपुरमा रहेका इट्टाभट्टमा जाने क्रम सुरु भएको छ । विद्यालय छाडेर अविभावकसँगै हिडेका उनीहरु वर्षायाम सुरु भएपछि मात्रै घर फर्कने गर्छन् ।जिल्लाको पाँचखाल नगरपालिका, महादेवटार, मेथिनकोट, सिसाखानी, मथुरापाटी फुलबारी, कुटुञ्चेबेसी, शिखरआम्बोटे, भिमखोरी, सिपाली चिलाउने लगायत गाविसबाट बढी बालबालिका श्रमका लागि इट्टाभट्टमा जाने गरेका छन् । भक्तपुरको ६४ वटा इट्टा भट्टामा काम गर्ने मध्ये ३० प्रतिशत बालबालिका काभ्रे जिल्लाको रहेको तथ्याङक छ ।
बालश्रम उत्पादन गर्ने जिल्लाको रुपमा समेत लिइने का
भ्रेबाट घरेलु श्रमिकका रुपमा पनि एकहजार २८ जना बालबालिका काठमाण्डौ उपत्यकालगायतका मुख्य बजार क्षेत्रमा गरिरहेको सरकारी तथ्याङकहरुले देखाएका छन् ।
यसैबीच इट्टाभट्टामा काम गर्न जाने बालबालिकाको संख्या कम गराउन जिल्लाका २५ गाविसमा बाल संवेनशील सामाजिक सुरक्षा कार्यक्रम लागुभएको छ । सेभ द् चिल्ड्रेनको आर्थिक सहयोगमा सुरु भएको कार्यक्रमले छनौट भएका गाविसहरुमा पुगेर काम गरिरहेको जिल्ला बाल कल्याण समितिका अधिकृत जयराम मानन्धरले बताउनुभयो ।
