स्थानीय बासिन्दाको आन्दोलनमा प्रहरी प्रशासनबाट दमन भएको भन्दै जिल्लास्थित प्याप्सन, एनप्याप्सन आवद्ध विद्यालयले एक दिने विद्यालय बन्दको घोषणा गरेका हुन् ।
आन्दोलनमा समर्थन जनाउदै शुक्रबार जिल्लाका कुनै पनि विद्यालयहरु सञ्चालनमा आएका छैनन् । प्रहरीले बिहिबार स्थानीय बासिन्दाको आन्दोलनमा गोली प्रहार गरेको थियो । गोली लागेर ८ जना घाइते भएका थिए ।
घटनापछि स्थानीय प्रशासनले लगाएको कर्फ्यु शुक्रबार बिहान ५ बजेपछि खुलेको छ । कर्फ्यु खुलेसँगै महेन्द्रनगरको अवस्था सामान्य बन्दै गएपनि विद्यालयहरु भने बन्द भएका छन् । यता स्थानीय प्रशासन र आन्दोलनकारीहरुबीच अहिलेसम्म वार्ता भएको छैन ।
कञ्चनपुरका प्रहरी प्रमुख प्रहरी उपरीक्षक कुवेर कठायतले वार्ताका लागि पहल भइरहेको जानकारी दिएका छन्। तर मृतक बालीका निर्मला पन्तका बुवा यज्ञराज पन्तले प्रहरी प्रशासनबाट वार्ताका लागि कसैले पनि सम्पर्क नगरेको बताए ।
