डा. गोविन्द केसीका समर्थकले बानेश्वरमा प्रदर्शन गरिरहेका बेला तरुण दलको प्रदर्शन त्यहाँ पुगेको थियो । तरुण दलका कार्यकर्ताले निषेधित क्षेत्र तोड्न खोजेपछि झडप भयो ।
डा. गोविन्द केसीको मागको पक्षमा माइतीघरबाट निस्केको विशाल जुलुस नयाँ बानेश्वरतर्फ जाँदा तरुण दल र प्रहरीबीच झडप भएको छ । प्रहरीले अश्रुग्यासका सेलहरु प्रदर्शनकारीतर्फ फ्याँकेको छ ।
डा. केसीका मागमा समर्थन जनाउँदै प्रदर्शनमा उत्रेका तरुण दलका कार्यकर्ताहरुमाथि प्रहरीले बल प्रदर्शन गर्दा नयाँ बानेश्वर क्षेत्र युद्धमैदानमा परिणत भएको छ।
अहिले पनि बानेश्वरमा स्थिति तनाबग्रस्त छ। प्रहरीले अश्रुग्याँस प्रहार गरेर प्रदर्शनकारीलाई हटाइरहेको छ । अहिले पनि प्रदर्शनकारी र प्रहरीबिच झडप भैरहेको छ ।
