यो समूहमा इङ्ल्याण्डको पनि अन्तिम १६ मा पर्ने संभावना बलियो छ । पहिलो खेलमा उसले ट्युनिसियालाई पराजित गर्दै ३ अंक बटुलेको छ । ट्युनिसिया समूहचरणबाटै बाहिरिने लगभग पक्का जस्तै छ । उसले अन्तिम खेल इङ्ल्याण्डसँग खेल्न बाँकी छ । इङ्ल्याण्डले दोश्रो खेलमा पानामासँग आइतबार खेल्दै छ ।
आइतबारको खेलमा जित निकालेमा इङ्ल्याण्ड पनि एक खेल अघिनै अन्तिम १६ मा पुग्ने छ । समूहको अन्तिम खेलमा ट्युनिसिया र पानामा तथा बेल्जियम र इङ्ल्याण्ड भिड्ने छन् ।
११ औं मिनेटमा इडन हाजार्डले पेनाल्टि मार्फत गोल गर्दै अग्रता दिएका थिए । त्यसको ५ मिनेट पछि लुकाकुले अग्रता दोब्बर पारे । तर १८ औं मिनेटमा ट्युनिसियाले अग्रता घटायो । ट्युनिसियाका लागि डिलान ब्रोनले गोल गरे ।
पहिलो हाफको अतिरिक्त समयको तेश्रो मिनेटमा लुकाकुले गोल गर्दै बेल्जियमलाई ३–१ को अग्रता दिलाए । लुकाकुको यो गोलले बेल्जियमलाई मात्रै मजवुद अवस्थामा पुर्याएन लुकाकुले पनि सर्वाधिक गोलकर्ताको सुचीमा रोनाल्डोसँग बराबरी गरे ।
दोश्रो हाफको सुरुमै फेरि बेल्जियमले २ गोल थप्यो । कप्तान हाजार्डले ५१ औं मिनेटमा गोल गरेका हुन् ।मिची बात्स्वीले ९० औं मिनेटमा १ गोल गरे । मिची बात्स्वीले ९० औं मिनेटमा १ गोल गरे । ट्युनिसियाका लागि अतिरिक्त समयको तेश्रो मिनेटमा हवि खज्रिले गोल गर्दै ५–२ को अवस्थामा पुर्याए ।
पहिलो खेलमा पानामालाई ३–० ले पराजित गरेको दोस्रो खेलमा पनि त्यति नै गोल अन्तरले हरायो ।
