ललितपुरको गोदाबारीका १७ बर्षीय क्रिष्चल देसारको मृत्युपछि उनका आफन्तले नाराबाजीसहित अस्पातालमा अहिले प्रदर्शन गरिरहेका छन् । १४ दिनदेखी सोही अस्पातालमा उपचार गराईरहेका देसारको एपेन्डिसाईटिसका कारण आज बिहान मृत्यु भएको हो ।
एपेन्डिसाईटिस भएको हुनसक्ने भन्दै उपचारका लागि बारम्बार आग्रह गर्दा समेत चिकित्सकले वास्ता नगरेकाले समयमै उपचार पाउन नसक्दा क्रिष्चलको मृत्यु भएको आरोप आफन्तले लगाएका छन् ।
२४ घण्टाभित्र अप्रेशन गर्नुपर्ने बिरामीलाई अस्पातालले अनेक बहानामा अप्रेशन गर्न ढिलाई गरेको उनीहरुको आरोप छ ।
अहिले अस्पातालमा मृतकका आफन्त, प्रहरी र अस्पाताल प्रशासनबीच छलफल भईरहेको छ ।
अस्पातालका निर्देशन डा.बिष्णु प्रसाद शर्माले घटनाबारे अनुसन्धान भइरहेको भन्दै चिकित्सकको रिर्पोट अध्ययन गरेर आबश्यक प्रक्रिया अघि बढाउने बताउनुभयो ।
