समुह डी अन्तरगतको खेलमा मध्यराती अर्जेन्टिनाले क्रोएसियासँग प्रतिस्पर्धा गर्नेछ । पहिलो खेलमा लियोनेल मेसी पेनाल्टीमा चुकेपछि पहिलो खेलमा नै नवप्रवेशी आईसल्याण्डसँग अंक बाढ्न बाध्य अर्जेन्टिनालाई नकआउट चरणमा प्रवेशका लागि आज नितान्त जित आवश्यक छ । क्रोएसिया भने नाईेजेरियालाई पराजित गर्दै ३ अंकमा शीर्ष स्थानमा कायम छ ।
समुह सी अन्तरगतका खेलमा भने डेनमार्क र अष्ट्रेलिया तथा फ्रान्स र पेरुबीच प्रतिस्पर्धा हुनेछ । पहिलो खेलमा ड्नमार्कले पेरुलाई र फ्रान्सले अष्ट्रेलियालाई पराजित गरेका थिए । साँझ पौने ६ बजे हुने खेलमा अष्ट्रेलियाविरुद्ध जित निकाल्दै डेनमार्क एक खेल अगावै नकआउट चरणमा स्थान बनाउने दाउमा हुनेछ भने अष्ट्रेलिया सम्भावना कायम राख्न पहिलो जितको खोजीमा मैदान उत्रनेछ ।
सोही समुहको अर्को खेलमा फ्रान्स र पेरु आमने सामने हुनेछन् । रसिया विश्वकपको बलियो टोलीमध्ये एक फ्रान्सको प्रिक्वाटरफाइनल यात्रा आज जित हात पारे सुनिश्चित हुनेछ ।
