असार १२, काठमाडौं । समूह चरणको अन्तिम खेलमा दुबै खेल बराबरीमा सकिएपछि स्पेन र पोर्चुगल अन्तिम १६ मा प्रबेशमा प्रवेश गरेका छन्। समूह ‘बी’बाट स्पेन विजेता र पोर्चुगल उपविजेता बन्दै नकआउट चरणमा पुगेका हुन्।
गए राति सम्पन्न भएको खेलमा स्पेनलाई मोरक्कोले २-२ को बराबरीमा रोक्यो भने पोर्चुगललाई इरानले १-१को बराबरीमा रोक्यो। ३ खेलमा समान १ जित र २ बराबरी गरेको स्पेन र पोर्चुगलको समान ५ अंक पुगेको छ । प्रतियोगिताबाट बाहिरिएको इरानको ३ र मोरोक्काको १ अंक छ । अब स्पेनले आयोजक रसियासँग क्वार्टरफाइनल प्रवेशका लागि खेल्नेछ भने पोर्चुगलले उरूग्वेको सामना गर्नेछ।
पहिलो हाफमा रिकार्डो करिज्माले दिलाएको अग्रतालाई जोगाउँदै पोर्चुगलले दोस्रो हाफमा जोगाउन सकेन । ५३ औं मिनेटमा पोर्चुगलका कप्तान क्रिस्टियानो रोनाल्डोले पेनाल्टीमा गोल गर्न सकेपछि पोर्चुगलले एक एकको बराबरीमा चित्ता बुझाउनु पर्यो । इरानको लागि खेलको अन्तिम मिनेटमा करिम अन्सारिफाडले पेनाल्टी मार्फत गोल गर्दै बराबरी गोल फर्काएपछि अंक बाढेका थिए ।
स्पेन भर्सेस मोरोक्को
खेलको पहिलो हाफमै मोरक्कोले अग्रता लिएको थियो । खेलको १४ औं मिनेटमा मोरक्कोकालागि खालिदले गोल गर्दै टिमलाई अग्रता दिलाका थिए। तर, त्यसको ५ मिनेटपछि इश्कोले गोल गर्दै स्पेनलाई खेलमा फर्काए। अघिल्लो चरण प्रवेशका लागि स्पेनलाई कम्तिमा बराबरी गर्नुपर्ने खेलको ८१ औं मिनेटमा मोरक्कोले गोल गर्दै खेलमा पुनः अग्रता लिएको थियो।
