टिम सेन्ट किट्स एन्ड नेभिस प्याट्रियट्सबाट खेलेका सन्दीपले गुयाना एमेजोन वारियसविरुद्ध सानदार बलिङ गर्दै २ विकेट लिए ।
४ ओभर बलिङ गरेका सन्दीपले १२ रन मात्रै खर्चेर २ विकेट लिएर आफ्नो जादु देखाएका हुन् ।
सन्दीपले आफ्नो पहिलो ओभरमा नै चाडविक वाल्टोनलाई ९ रनमा आउट गराएका थिए । त्यस्तै, उनले जासन मोहम्मदलाई १६ रनमा आउट गराए ।
दशौँ ओभरको दोस्रो बलमा उनले गुएना वारिर्यसका जोसन मोहम्मेदलाई पेभेलियन फर्काएका हुन् । सन्दीपले व्यक्तिगत उत्कृष्ट प्रदर्शन गरेपनि उनको टिम भने ६ विकेटले पराजित भएको छ ।
सन्दीपको टिमका लागि ब्याटिङमा कप्तान क्रिस गेलले ६५ बलमा ८६ रनको शानदार पारी खेलेका थिए तर जितका लागि यो पर्याप्त भएन ।
१४६ रनको लक्ष्य पाएको गुएना वारियर्सले १७ ओभरमा ४ विकेट गुमाउँदै १४८ रन बनाएर जित निकालेको हो ।
