साउन ९, काठमाडाँ । व्यक्तिगत स्तरमा फुटबलरका लागि सबैभन्दा ठूलो अवार्ड, फिफा वर्ष खेलाडीको मनोनयन सर्वाजनिक भएको छ ।
विश्व फुटबलको प्रशासकीय निकाय फिफाले पुरुष वर्ष खेलाडीका लागि मनोनयनमा परेका १० खेलाडीको नाम सार्वजनिक गरेको छ ।
त्यसमा यसअघिका वर्षमा क्रिष्टियानो रोनाल्डो र लियोनल मेस्सीलाई टक्कर दिँदै आएका ब्राजिलका नेइमार परेका छैनन् ।
यो वर्षको फिफा वर्ष खेलाडीका लागि रोनाल्डो र मेस्सीसहित इंग्ल्याण्डका ह्यारी केन, बेल्जियमका इडन हर्जाड, इजिप्टका मोहम्मद सालह, बेल्जियमका केविन डी ब्राउनसहितका खेलाडी परेका छन् ।
साबिक वर्ष खेलाडी रोनाल्डो पनि मनोनयनमा परेका छन् । सन् २०१७ को जुलाई ३ देखि २०१८ को जुलाई १५ सम्ममा खेलाडीले गरेको प्रदर्शन र उपलब्धीका आधारमा फिफा लेजेण्डसको प्यानलले १० खेलाडीको छनौट गरेको हो ।
अब फ्यानको मत तथा पत्रकार र राष्ट्रिय टिमका कप्तान तथा प्रशिक्षकको मतको आधारमा विजेता छनौट गरिनेछ ।
वर्ष खेलाडीको मनोनयनमा को को ?
क्रिष्टियानो रोनाल्डो–युभेन्टस र पोर्चुगल
केविन डी ब्राउन–म्यानचेस्टर सिटी र बेल्जियम
एन्टोनी ग्रिजम्यान–एथ्लेटिको मड्रिड र फ्रान्स
इडन हजार्ड–चेल्सी र बेल्जियम
ह्यारी केन–टोटनह्याम र इंग्ल्याण्ड
केलियन एमबाप्पे–पेरिस सेन्ट–जर्मेन र फ्रान्स
लियोनल मेस्सी–बार्सिलोना र अर्जेन्टिना
लुका मोड्रिक–रियल मड्रिड र क्रोएसिया
मोहम्मद सालह–लिभरपुल र इजिप्ट
राफायल भाराने–रियल मड्रिड र फ्रान्स
महिला वर्ष खेलाडीका लागि को को ?
लुसी ब्रोन्ज–लियोन र इंग्ल्याण्ड
पेर्निली हार्डर–वुल्फसबर्ग र डेनमार्क
एडा हेगरबर्ग–लियोन र नर्वे
एमान्डिनी हेनरी–लियोन र फ्रान्स
सामान्था केर–पर्थ ग्लोरी सिकागो रेड स्टार र अस्ट्रेलिया
काकी कुमागाइ–लियोन र जापान
डीज्सेनिफर मारोज्सान–लियोन र जर्मनी
मार्ता–ओरलाण्डो प्राइड र ब्राजिल
मेगन रापिनोइ–सियाटल रेइङ्ग र अमेरिका
वेन्डिइ रेनार्ड–लियोन र फ्रान्स
-एजेन्सी
